د جرمني د جزا قانون کې د فزیکي تاوتریخوالي سزا

په ورځني ژوند کې یو له مهمو موضوعاتو څخه د غوسې کنټرول او د شخړو پر مهال د فزیکي نښتو څخه مخنیوی دی. حکومتونه هم د فزیکي تاوتریخوالي د جرم ګرځولو له لارې هڅه کوي چې په ټولنه کې د شخړو کچه راکمه کړي او عامه امنیت وساتي.

په دې مقاله کې هڅه شوې ده چې تاسو د جرمني د جزا قانون پر بنسټ د فزیکي شخړو له قانوني پایلو سره بلد کړو. د جرمني په قانون کې هر هغه زیان چې د یو انسان بدن یا روغتیا ته ورسېږي، د بدني ټپ (Körperverletzung) په نوم یادیږي.

حتی یوه کوچنۍ نښته چې په ځینو هېوادونو کې جدي نه ګڼل کېږي، په جرمني کې کولی شي درنې قانوني پایلې ولري او د سزا ترڅنګ د انسان پر استوګنې حالت او راتلونکي هم اغېز وکړي.

⸻

ماده ۲۲۳ – ساده بدني ټپ

§ 223 StGB

„Wer eine andere Person körperlich misshandelt oder an der Gesundheit schädigt, wird mit Freiheitsstrafe bis zu fünf Jahren oder mit Geldstrafe bestraft. Der Versuch ist strafbar.“

ژباړه:

هر څوک چې بل انسان ته فزیکي زیان ورسوي یا د هغه روغتیا ته تاوان ورسوي، تر پنځو کلونو پورې په بند یا نقدي جریمې محکومېږي. د دې جرم هڅه کول هم جرم ګڼل کېږي.

⸻

دا ماده کله تطبیق کېږي؟

که تاسو:

* چا ته څپیړه ورکړئ

* څوک ټېل ووهئ او درد یا زیان ورته ورسېږي

* په جګړه کې څوک ووهئ

* حتی لږ فزیکي درد هم رامنځته کړئ

حتی که:

* زیان ډېر کم وي

* یا مو یوازې د وېرولو نیت درلود

بیا هم دا عمل جرم ګڼل کېږي.

⸻

ماده ۲۲۴ – خطرناک بدني ټپ

§ 224 StGB

„(1) Wer die Körperverletzung

durch Beibringung von Gift oder anderen gesundheitsschädlichen Stoffen,

mittels einer Waffe oder eines anderen gefährlichen Werkzeugs,

mittels eines hinterlistigen Überfalls,

mit einem anderen Beteiligten gemeinschaftlich oder

mittels einer das Leben gefährdenden Behandlung

begeht, wird mit Freiheitsstrafe von sechs Monaten bis zu zehn Jahren bestraft.

(2) Der Versuch ist strafbar.“

⸻

ژباړه:

(۱) هر څوک چې بدني ټپ د لاندې لارو څخه په یوه سره ترسره کړي:

* د زهرو یا د روغتیا لپاره زیان رسوونکو موادو په وسیله

* د وسلې یا خطرناک وسیلې په وسیله

* د ناڅاپي یا فریبکارانه برید له لارې

* د نورو کسانو سره په ګډه

* یا داسې طریقه چې د انسان ژوند په خطر کې واچوي

له شپږو میاشتو تر لسو کلونو پورې په بند محکومېږي. په لږو مواردو کې سزا له درې میاشتو تر پنځو کلونو پورې ده.

(۲) د دې جرم هڅه کول هم جرم دی.

⸻

دا ماده کله تطبیق کېږي؟

که تاسو:

* د چاقو یا خطرناک وسیلې سره برید وکړئ

* د چا په څښاک کې دوا، نشه یي توکي یا نور مواد واچوئ

* په ډله ییز ډول پر یو کس برید وکړئ

* له شا یا ناڅاپه برید وکړئ

* داسې عمل وکړئ چې د یو کس ژوند په خطر کې واچوي

دا ټول درانه جرمونه ګڼل کېږي.

⸻

ماده ۲۲۵ – د ساتنې لاندې کسانو سره ناوړه چلند

§ 225 StGB

„Wer eine Person unter achtzehn Jahren oder eine wegen Gebrechlichkeit oder Krankheit wehrlose Person, die seiner Fürsorge oder Obhut untersteht,

quält oder

roh misshandelt oder

durch böswillige Vernachlässigung seiner Pflicht, für sie zu sorgen, an der Gesundheit schädigt,

wird mit Freiheitsstrafe von sechs Monaten bis zu zehn Jahren bestraft.“

⸻

بشپړه ژباړه:

هر څوک چې تر ۱۸ کلونو کم عمره کس یا داسې بې وسه شخص (د ناروغۍ یا کمزورۍ له امله) چې د هغه تر سرپرستۍ لاندې وي:

* ځوروي

* سخت او تاوتریخوالی ورسره کوي

* یا په قصدي ډول د پاملرنې دنده نه ترسره کوي او روغتیا ته یې زیان رسوي

له شپږو میاشتو تر لسو کلونو پورې په بند محکومېږي.

⸻

دا ماده کله تطبیق کېږي؟

که تاسو:

* خپل ماشوم ووهئ

* خپلې مېرمنې یا د سرپرستۍ لاندې کس ته زیان ورسوی

* ماشوم یا کمزوری کس له پاملرنې پرته پرېږدئ او زیان ورته ورسېږي

🔴 مهمه خبره:

په جرمني کې د ماشوم فزیکي سزا ورکول سخت جرم دی او هېڅ ډول توجیه نه لري.

⸻

ماده ۲۲۶ – شدید بدني ټپ

§ 226 StGB

„Hat die Körperverletzung zur Folge, dass die verletzte Person

das Sehvermögen auf einem oder beiden Augen,

das Gehör,

das Sprechvermögen oder

ein wichtiges Glied des Körpers verliert oder dauerhaft nicht mehr gebrauchen kann,

wird der Täter mit Freiheitsstrafe von einem Jahr bis zu zehn Jahren bestraft.

Verursacht der Täter eine der bezeichneten Folgen absichtlich oder wissentlich, so ist die Strafe Freiheitsstrafe nicht unter drei Jahren.“

⸻

ژباړه:

که بدني ټپ دا پایله ولري چې قرباني:

* د یوې یا دواړو سترګو لید له لاسه ورکړي

* اورېدنه له لاسه ورکړي

* د خبرو توان له لاسه ورکړي

* یا د بدن یو مهم غړی له لاسه ورکړي یا د تل لپاره یې کار ونه شي کولی

نو مرتکب له یو کال څخه تر لسو کلونو پورې په بند محکومېږي.

که دا پایلې په قصدي ډول رامنځته شوې وي، نو لږ تر لږه سزا درې کاله بند دی.

⸻

دا ماده کله تطبیق کېږي؟

که په یوه شخړه کې:

* د یو کس سترګه زیان وویني

* لاس یا پښه کار پرېږدي

* دایمي معلولیت رامنځته شي

دا ډېر دروند جرم دی او سخته سزا لري.

⸻

ماده ۲۲۷ – بدني ټپ چې د مرګ لامل شي

(Körperverletzung mit Todesfolge)

§ 227 StGB

„(1) Verursacht der Täter durch die Körperverletzung (§§ 223 bis 226) den Tod der verletzten Person, so ist die Strafe Freiheitsstrafe nicht unter drei Jahren.

(2) In minder schweren Fällen ist auf Freiheitsstrafe von einem Jahr bis zu zehn Jahren zu erkennen.“

⸻

ژباړه:

(۱) که مرتکب د بدني ټپ له لارې (د ۲۲۳ تر ۲۲۶ مادو مطابق) د ټپي شوي کس د مرګ سبب شي، نو لږ تر لږه درې کاله بند سزا لري.

(۲) په لږو مواردو کې سزا له یو کال څخه تر لسو کلونو پورې ده.

⸻

دا ماده کله تطبیق کېږي؟

دا ماده هغه وخت تطبیق کېږي کله چې:

* د وژلو نیت نه وي

* خو د وهلو ټکولو له امله بل کس مړ شي

ساده بېلګې:

* یو څوک ټېل وهئ → لوېږي → مړ کېږي

* یو څوک ووهئ → وروسته د ټپونو له امله مړ شي

* داخلي ټپ رامنځته شي او وروسته د مرګ سبب شي

⸻

پایله

که څه هم په هر وخت او هر ځای کې د کورنۍ له غړو یا د ټولنې له نورو خلکو سره خبرې، اختلاف یا حتی شخړې رامنځته کېدای شي، خو مهمه ده چې په هماغه وخت کې د خپلو کړنو پایلو ته فکر وشي. آیا ممکنه ده چې یو فزیکي شخړه — حتی بې له قصده — د یو انسان د جدي ټپي کېدو یا مرګ سبب شي؟

بې له شکه موږ ټول کله ناکله غوسه کېږو، بحث کوو یا له یو بل څخه واټن نیسو؛ خو هېڅوک نه غواړي چې بل انسان ته زیان ورسوي یا د هغه د مرګ یا دایمي معلولیت سبب شي — حتی که د هغه نظر زموږ سره توپیر ولري.

نو ځکه، تر ټولو غوره لاره دا ده چې له هر ډول فزیکي شخړې ځان وساتو. په هغو مواردو کې چې اختلاف ډېر جدي وي او حل یې ستونزمن ښکاري، د قانون او قانوني ادارو ته مراجعه کول تر ټولو خوندي او منطقي لاره ده.

✔ د قانون درناوی

✔ د غوسې کنټرول

✔ د سوله‌ییزو حل لارو انتخاب

د جرمني په شان ټولنه کې د خوندي او بریالي ژوند درې اساسي اصول دي.