Qodobka 16 – Jinsiyadda – Wareejinta (Extradition)

(1) Jinsiyadda Jarmalka lama qaadi karo. Luminta jinsiyadda waxa ay dhici kartaa oo keliya iyadoo lagu salaynayo sharci, waxaana ka dhici karta qofka iyadoo aan rabitaankiisa ahayn oo keliya haddii taasi aysan ka dhigin qof aan jinsiyad lahayn.

 

(2) Qof Jarmal ah looma wareejin karo dal shisheeye. Si kastaba ha ahaatee, sharci ayaa dhigi kara nidaam ka duwan oo ku saabsan wareejinta waddan xubin ka ah Midowga Yurub ama maxkamad caalami ah, haddii la ilaaliyo mabaadi’da dowladnimada sharciga.